A xardinería, é unha actividade que envolve o coidado e o cultivo de plantas, e está a gañar popularidade non só como pasatempo, senón tamén como unha terapia eficaz para mellorar o benestar emocional.

Esta práctica pode ter un impacto positivo na saúde mental, reducindo o estrés, mellorando o estado de ánimo e proporcionando unha sensación de logro.

Beneficios da xardinería para a saúde mental

• Reducción do estrés e da ansiedade

  Traballar na xardinería pode ser unha forma efectiva de aliviar o estrés e a ansiedade. A conexión coa natureza e a actividade física de intensidade leve axudan a reducir os niveis de cortisol, a hormona do estrés.

  Ademais, o contacto coa terra pode ter un efecto calmante, promovendo unha sensación de paz e tranquilidade.

• Mellora do estado de ánimo

  A exposición ao sol aumenta a produción de vitamina D, que está relacionada coa mellora do humor e a prevención da depresión. O coidado das plantas, e ver o seu crecemento pode xerar unha sensación de satisfacción e alegría.

• Incremento da autoestima e sentido de logro

  Cultivar un xardín e ver como as plantas prosperan grazas ao noso coidado proporciona un sentido de logro. Este sentimento de éxito pode aumentar a autoestima e a confianza en si mesmo, especialmente cando se superan desafíos como o de cultivar plantas máis complexas, que requiren máis coidados.

• Fomento da creatividade

  Deseñar e coidar un xardín, implica unha boa dose de creatividade. Escoller as plantas, organizalas de maneira harmónica e estética, así como planificar o espazo son actividades que estimulan o pensamento creativo. Este proceso creativo non só é divertido, senón que tamén pode ser terapéutico.

• Práctica do Mindfulness

  A xardinería é unha excelente forma de practicar mindfulness ou atención plena. Cando estamos a traballar no xardín, adoitamos concentrarnos no presente, nas tarefas que estamos a realizar e nos pequenos detalles das plantas. Esta atención plena pode axudar a reducir a ansiedade, favorecendo un estado de calma e benestar.

 

Guía para cultivar o teu xardín

• Escoller o espazo

  O primeiro paso para comezar é escoller o espazo adecuado. Pode ser un xardín exterior, un balcón ou mesmo unha fiestra soleada dentro da casa.

  O importante é que o espazo teña suficiente luz para as plantas que queiras cultivar.

• Selecciona as plantas axeitadas

  É fundamental escoller plantas que se adapten ben ao teu espazo e ao teu nivel de experiencia. Se es principiante, comeza con plantas sinxelas de coidar como suculentas, herbas aromáticas como o perexil ou albáfega, ou plantas de interior resistentes.

  Se tes máis experiencia e contas cun espazo exterior, podes probar con plantas con flores ou mesmo con hortalizas.

• Prepara as ferramentas

  Asegúrate de ter as ferramentas necesarias para coidar o teu xardín. As básicas inclúen un regador, luvas, tesoiras de poda, paleta e un saco de terra de boa calidade.

  Ter as ferramentas axeitadas fará que o traballo sexa máis sinxelo e agradable.

• Aprende sobre o coidado das plantas

  Cada planta ten necesidades específicas en canto a rega, luz e nutrientes. Investiga sobre as plantas que escolliches e aprende como coidalas correctamente. Non te preocupes se cometes erros ao principio, a xardinería é un proceso de aprendizaxe continua.

• Planifica o rego

  O rego é un dos aspectos máis importantes da xardinería, por iso asegura o seu rego segundo as necesidades do tipo de planta cultivada. Algunhas precisan rega diaria, mentres que outras poden sobrevivir con menos auga.

  Lembra que o exceso de rega pode ser tan prexudicial como a falta dela

• Fertilización e coidado do chan

  Para que as plantas crezan sans e fortes, o chan debe ser fértil e estar ben nutrido. Emprega fertilizantes orgánicos e renóvao cando sexa necesario. Isto axudará a proporcionarlles os nutrientes que precisan para crecer.

• Control de pragas

  As pragas do xardín poden ser un problema, aprende a identificar os sinais de infestación e utiliza métodos naturais para controlalas. Podes empregar insecticidas orgánicos ou plantas que repelen as pragas de maneira natural.

  A xardinería ofrece numerosos beneficios para a saúde mental, ademais é unha actividade accesible que todos podemos practicar y que proporciona relaxación.

  Lembra non obsesionarte cos resultados perfectos e goza do proceso, observando como crecen as túas plantas e goza do tempo ao aire libre.