O desexo para comer ben sen converter a cociña nunha batalla diaria e como resposta á falta de tempo ou ganas para cociñar nace o Batch Cooking.

Esta técnica, consiste en preparar grandes cantidades de alimentos de comida dunha soa vez, xeralmente durante a fin de semana, para logo conxelar ou refrixerar as porcións individuais.

Aínda que poida parecer que dedicar varias horas para cociñar un día á semana é perder unha tarde, os beneficios superan o esforzo inicial.

Vantaxes do Batch cooking

Son múltiples as vantaxes que chegan á nosa vida se decidimos poñerlle un pouco de orde. Ao final, facer un menú semanal require organización, planificación e, sobre todo, enxeño.

É dicir, prima utilizar os recursos que teñas e saber como aproveitalos ao máximo, promovendo a conciencia dun consumo responsable ao desperdiciar menos, evitar compras impulsivas e aforrar enerxía ao preparar varias comidas dunha vez.

Axuda a comer de forma máis saudable e a aforrar tempo e diñeiro a longo prazo e fomenta a introdución de comida caseira e feita con mimo todos os días, de maneira que nos afastamos dos ultraprocesados e das comidas de baixo nivel nutricional.

Ademais poderás implicar aos máis pequenos e pasar unha tarde divertida en familia onde aprendan sobre cociña, limpeza e esforzo.

Cómo practicar o Batch co​oking?

O primeiro é planificar o teu menú semanal. Pensa en comidas versátiles que che permitan aproveitar ao máximo os ingredientes. Inclúe unha variedade de alimentos: carnes, peixes, legumes, ovos, cereais integrais e moitas verduras de tempada. Ao comprar, opta por pezas enteiras, adoitan ser máis económicas.

Cociña en grandes cantidades e aproveita técnicas como o salteado, cociña ao forno ou ao vapor. Despois de cociñar, divide as porcións en recipientes de vidro e conxélaas. Así evitarás que os alimentos alteren o seu sabor e poderás quentalos facilmente. Non esquezas etiquetar cada recipiente co contido e a data.

A continuación, deixámosche algunhas ideas sinxelas e deliciosas:

Almorzos e merendas

• Barriñas de froitos secos

  - dátiles​
  - froitos secos (abelás, noces, améndoas)
  - coco relado
  - sementes (xirasol, chía, liño)
  - aceite de coco
  - manteiga de froitos secos (améndoa, cacahuete)
  - canela en po

 

• Pudding de chía e cacao con froitos vermellos

  - sementes de chía
  - bebida vexetal de améndoas
  - froitos secos (abelás, noces, améndoas...)
  - froitos vermellos (arandos, amorodos...)
  - cacao en po

 

Comidas e ceas

• Polo rebozado con fariña de garavanzo

  - polo
  - fariña de garavanzos
  - auga
  - comiño
  - allo en po
  - pan relado
  - sal
  - aceite de oliva virxe extra

 

• Hummus de fabas e crema de cacahuete

  - fabas cocidas
  - crema de cacahuete
  - zume de medio limón
  - allo
  - comiño
  - pementa negra
  - sal
  - aceite de oliva
  - auga

  Para a crema de cacahuete:

  - cacahuetes tostados

  Para o topping:

  - Crocante de pistachos e cacahuetes
  - Aceite de oliva virxe extra