Tempo estimado de lectura: 7 min
Hoxe 5 de maio celébrase o Día Mundial da Hixiene de Mans no marco da campaña liderada pola Organización Mundial da Salud (OMS) Salva vidas! Limpa as mans!
No ano 2021 e desde que comenzou a pandemia ocasionada polo virus SARS-CoV2, a hixiene de mans converteuse nunha medida preventiva habitual e esencial fronte á propagación da Covid 19 e demostrou unha clara efectividade na prevención de contaxios tanto na poboación como nos profesionais sanitarios.
Con esta campaña a OMS fai un chamamento específico á acción dos traballadores da saúde, co fin de que a hixiene de mans estea sempre presente no punto de atención; aos responsables das políticas sanitaria, para que garantan que a hixiene de mans sexa posible para todos; aos pacientes e familiares e á cidadanía para que convertan a hixiene de mans nun hábito que nos protexa a todos.
Baixo o lema “Segundos que salvan vidas. Limpa as túas mans”, a Consellería de Sanidade únese a esta campaña de concienciación levando a cabo actividades en todas as áreas sanitarias dirixidas aos profesionais sanitarios e a cidadanía. Dentro das actividades dirixidas aos profesionais sanitarios promoverase o acceso ás webinars da OMS, realizaranse demostracións con soluciones marcadoras sobre a eficacia de la hixiene de mans e sesións formativas intraunidade sobre as técnicas, os momentos de aplicación e o adecuado uso de luvas, entre outras.
Realizaranse tamén actividades destinadas aos máis pequenos que incluirán a elaboración dun mural na escola do hospital Álvaro Cunqueiro coa participación dos meniños ingresados ou un concurso de debuxos que se levará a cabo na área sanitaria de Ferrol.
Habilitaranse tamén nas entradas principais dos hospitais e nalgúns centros de saúde mesas informativas nas que se ofrecerá ás persoas que así o desexen a posibilidade de cotexar o resultado da súa práctica de hixiene de mans mediante unha lámpada ultravioleta de demostración, comparando o antes e o despois.
Pero, qué é a hixiene de mans?
Na túa vida diaria, sabes cando debes lavar as mans?
Antes e despois de atender a alguén que estea enfermo
Antes, durante e despois de preparar alimentos
Antes de comer
Antes e despois de tratar feridas ou cortes
Despois de ir ao baño
Despois de soarse o nariz, tusir ou esbirrar
Despois de tocar un animal, comida para animais, gaiolas ou excrementos de animais.
Despois de usar o transporte público
Despois de tocar o lixo
Se non dispós de auga e xabón, usa un desinfectante de mans que conteña ao menos un 60 % de alcohol. Cubre toda a superficie das mans e frega ata que as sintas secas. Evita tocarte os ollos, o nariz e a boca sen antes lavar as mans.
Segues os pasos para a correcta hixiene de mans?
Se utilizas un produto de base alcohólica, deposita a solución sobre as mans secas e frega ata que estean completamente secas ou durante, ao menos, 15 segundos, do xeito que che indicamos:
Frega as palmas das mans entre si e entrelazando os dedos
Frega cada palma contra o dorso da outra man e entrelazando os dedos
Frega as puntas dos dedos, arredor dos polgares e os pulsos
Deixa que a solución se seque soa
Se empregas agua e xabón, molla as mans, deposita nas palmas unha cantidade de xabón suficiente e frega as mans durante 15 segundos, da seguinte maneira:
Recorda que evitarás prexudicar a pel das mans si ao final do proceso están perfectamente secas.
Non esquezas que as luvas en ningún caso substitúen á hixiene de mans.
Se es profesional sanitario, coñeces os 5 momentos para a hixiene de mans?