Tempo estimado de lectura: 3 min 30 sg
Hai enfermidades infecciosas que, se lle afectan á muller durante o embarazo, poden ser graves para o feto, polo que convén evitar o seu contaxio:
Se non estás vacinada nin padeciches a rubéola, evita o contacto con persoas enfermas desta infección e vacínate despois do embarazo.
Se non estás vacinada nin padeciches a varicela, evita o contacto con persoas que a estean padecendo e se tes contacto debes consultalo co teu médico.
A toxoplasmose é unha enfermidade infecciosa producida polo Toxoplasma gondii que tamén afecta o feto se a muller se contaxia durante o embarazo.
Para protexerte, ten en conta estas recomendacións durante o embarazo:
Lava as mans con auga e xabón, antes e despois de manipular alimentos crus e coce suficientemente os alimentos, sobre todo a carne, o polo, os ovos e o pescado.
Non tomes carne crúa ou pouco cociñada (incluído o friame e o embutido) ou ben conxélala durante máis de 24 horas a -20ºC.
Lava as mans e lava as superficies e os utensilios de cociña despois de manipular carne crúa, verdura ou froita.
Non inxiras:
Verduras, hortalizas, herbas aromáticas nin vexetais crus que non foran lavados previamente. Evita o seu consumo fóra da túa casa se a hixiene non parece fiable.
O peixe ou o marisco cru ou pouco cociñado, afumado ou adobado en cru tal como sushi, ceviche ou carpaccio.
Os ovos crus ou preparacións feitas con ovos crus (maionesa, merengue...).
Consume sempre auga da billa ou embotellada. Non tomes auga doutras procedencias sen garantía para o consumo.
Toma leite pasteurizada e queixo elaborado con leite pasteurizado.
No seu caso, procura facer as tarefas de limpeza dos excrementos dos gatos con luvas. Aínda así, a maioría dos nosos gatos son mascotas domésticas que nin sequera tiveron contacto co Toxoplasma. Se recolleches algún da rúa, mantén todas as precaucións.
Recomendacións para o consumo de peixe para mulleres embarazadas, que planifican estalo ou en período de lactación, así como para nenos e nenas de 0-10 anos
Evitar o consumo de peixe con alto contido en mercurio.
Peixe espada/Emperador, Atún vermello, Quenlla (cazón, marraxo, melgacho, patarroxa) e Lucio.
Consumir entre 3 e 4 racións de peixe á semana de especies con contido medio ou baixo en mercurio, variando especies brancas e azuis.
Contido baixo:
Abadexo, Bocarte, Bacallau, Carioca, “Fogonero”, Dourada, Linguado, Palometa, Pescada, Robaliza, Sardiña, Solla, Salmón, Troita, Xarda, Xurelo.
Ameixa, Berberecho, Longueirón, Mexillón, Camarón, Cigala.
Choco, Choupa, Gamba, Lagostino, Lura, Luriña, Polbo, Xiba. . As demais especies de produtos da pesca non mencionadas entenderanse cun contido medio en mercurio.