A chegada da primavera permítenos celebrar esta estación cun festín de sabores frescos e moi coloridos!

Descubre estas deliciosas receitas perfectas para esta tempada, que combinan ingredientes de tempada con creatividade culinaria. Prepárate para deleitar o teu padal e sorprender aos teus invitados esta primavera!

 

Aguacates recheos

Un entrante refrescante, cheo de sabor e de cor, que ademais é moi fácil de preparar.

• Ingredientes:
• Gambas ou lagostinos cocidos
• Atún
• Tomate
• Cenoria
• Millo doce
• Aguacate
• Lima
• Ceboliño
• Sal
• Aceite de oliva
• Pementa

 

• Preparación:
• Pelamos as gambas ou lagostinos cocidos, cortámolos en anacos pequenos e engadimos o atún. Botamos estes ingredientes nun cunco.
• Engadimos ao cunco os tomates lavados e cortados en cadrados e o millo doce en conserva.
• Lavamos e cortamos os aguacates pola metade e retiramos a semente.
• Coa axuda dunha culler, extraemos a polpa para baleirar os aguacates e os cortamos en cadrados.
• Reservamos a pel dos aguacates para rechealas máis tarde.
• Botamos un pouco de zume de media lima para evitar a súa oxidación e que manteñan a súa cor verde.
• Engadimos os aguacates cortados ao cunco con aceite de oliva, un chisco de sal e pementa ao gusto.
• Mesturamos todos os ingredientes do cunco e enchemos a pel dos aguacates que reservaramos.
• Para finalizar, levámolos á neveira ata servilos.

Ensalada de manga e salmón

As ensaladas non son un prato aburrido. Basta con engadirlle un toque cremoso de aguacate e outro doce de mango, para converter a túa ensalada nun entrante atractivo.

• Ingredientes:
• Rúcula e herba dos cóengos
• Manga
• Salmón
• Aguacate
• Ceboliña
• Lima
• Aceite de oliva
• Sal
• Coandro

 

• Preparación:
• Colocamos a rúcula e a herba dos cóengos, limpos e escorridos nun prato.
• Retiramos a pel do lombo do salmón e o repasamos por se quedaran espiñas ou escamas.
• Cortamos en dados o salmón e o pasamos pola tixola. Picamos en tiras a ceboliña.
• Pelamos e curtamos a manga en tiras e colocámola encima dos brotes verdes.
• Cortamos o aguacate en cadrados.
• Por último, incorporamos as follas de coandro, botámoslle sal e aderezámolo con aceite de oliva e a lima.
• Para finalizar, levámola á neveira ata servila.

Gaspacho de amorodo

Esta última receita é ideal para un entrante ou para un aperitivo. Aproveitamos a tempada dos amorodos coa chegada dos meses de calor para elaborar un gaspacho cun extra de froita.

• Ingredientes:
• Tomate
• Amorodos
• Pemento verde
• Cogombros
• Cebola tenra
• Sal
• Vinagre de mazá
• Aceite de oliva

 

• Preparación:
• Lava e pela os tomates. Vai cortándoos en cadrados e engadíndoos a un cunco.
• Lava e corta o talo dos amorodos e córtaos en metades para engadilas ao cunco onde deixamos os tomates.
• Lavamos o pemento verde, cortámolo en anacos regulares e engadímolo aos tomates e os amorodos.
• Cortamos o cogombro e media cebola en anacos pequenos e o engadimos ao cunco.
• Para o aderezo, poñemos un pouco de sal e un pouco de vinagre de mazá xunto co aceite de oliva.
• Trituramos os ingredientes do gaspacho ata deixalo o máis fino posible, se vos gusta con textura sedosa pásao por un colador para eliminar os posibles restos de froita e verdura que puidesen quedar.
• Levamos o gaspacho de amorodos á neveira para tomalo frío, un par de horas é suficiente.
• Para servilo, podémolo acompañar con amorodos partidos.