Tempo estimado de lectura: 1 min 40 sg
Os obxectivos nutricionais dunha muller no embarazo cambian con relación ao período anterior a xestación. As súas necesidades de enerxía e as de moitos nutrientes aumentan, e os requirimentos do feto son diferentes en cada trimestre. Polo tanto, segundo o momento do desenvolvemento embrionario e fetal, haberá distintas necesidades nutricionais específicas. A continuación, atoparás un resumo cos obxectivos nutricionais.
Obxectivos nutricionais segundo a etapa da xestación
1º trimestre
Controlar o peso
Mellorar as posibles carencias nutricionais (iodo, vitaminas...).
Garantir o aporte de folatos e de vitamina B12.
Evitar os posibles axentes teratóxenos (Por exemplo: alcohol, sustancias psicoactivas, tóxicos e fármacos)
2º trimestre
Controlar o peso.
Aplicar o principio de densidade nutricional para facer escollas saudables de alimentos.
Garantir o aporte de calcio, ferro e iodo, entre outros.
3º trimestre
Controlar o peso.
Aplicar o principio de densidade nutricional.
Garantir o aporte, entre outros, de ferro.
Garantir o aporte de iodo e DHA (desenvolvemento cerebral).