Estimadas familias,
Poñémonos de novo en contacto convosco para presentarvos o novo ciclo de webinarios do ano 2023, que leva por título Capacitando en decisións saudables.
A información e a educación dos individuos demostrou gardar unha estreita relación co seu estado de saúde, de xeito que canto maior é o nivel educativo e de coñecemento dunha sociedade máis saudable é o seu estilo de vida.
O ciclo de webinarios do ano 2023 ten como obxectivo principal transmitirvos ás familias que formades o tecido da nosa sociedade coñecementos en materia de hábitos saudables dun modo próximo e veraz. Ademais, preténdese sensibilizarvos respecto da necesidade do autocoidado para que, ao mesmo tempo, poidades transformarvos nos promotores e promotoras de saúde da vosa propia contorna.
As familias sodes as que coñecedes verdadeiramente os atrancos e as necesidades que presenta o día a día, e por iso a vosa participación é imprescindible. Convidámosvos a que elixades os temas que máis vos preocupen e a que completedes a seguinte enquisa, e para iso poderedes engadir calquera outro asunto que non estea incluído na listaxe que se achega e que consideredes que é relevante (tempo estimado de realización 3 minutos).
Cos resultados obtidos, poremos en marcha o calendario de sesións anual, onde contactaremos con todos vós e repasaremos a actualidade e as tendencias dos temas escollidos.
Grazas por participar, dado que as vosas necesidades son o motor das nosas iniciativas.
Accede á enquisa premendo AQUÍ