Para conmemorar o Día Mundial da Obesidade, a Dirección Xeral de Saúde Pública, no marco do Plan Obesidade Zero en Galicia, organiza a andaina GASTAS PISTA. Este lema forma parte da campaña de comunicación do plan para promover a actividade física e o deporte como factor protector fronte ao sobrepeso e a obesidade.
Por todo isto, invitámoslle a GASTAR PISTA no Día Mundial da Obesidade, para sumar, entre todos e todas, pasos decisivos na procura dunha boa saúde.
Esperámoslle o día 4 de marzo de 2023 para percorrer, os últimos 5 km da maior pista do mundo, o Camiño de Santiago.
Por favor, inscríbase enviando un correo ao enderezo Vida.Saudable.Eps@sergas.es, antes do vindeiro 1 de marzo.
Gastemos pista, paso a paso, xuntos e xuntas.