Sorrir por primeira vez, coller obxectos, dicir “adeus” coa man, gatear ou dar os primeiros pasos son indicadores do desenvolvemento psicomotor do bebé.

Cando falamos de desenvolvemento psicomotor, referímonos á adquisición progresiva e aprendizaxe de habilidades que corresponden coa maduración das estruturas do sistema nervioso, xa desde a etapa embrionaria e fetal.

Aínda que o desenvolvemento psicomotor é diferente en cada persoa, presenta un rango de idade similar no que a maioría adquire ditas destrezas. Este proceso depende do ambiente no que o neno ou nena crece, do seu potencial xenético e do seu carácter.

É fundamental un seguimento pediátrico en cada revisión para avaliar os chamados “indicadores do desenvolvemento” (idade de aparición das diferentes destrezas adquiridas progresivamente), como sorrir por primeira vez, coller obxectos, dicir “adeus” coa man, gatear ou dar os primeiros pasos. Os bebés alcanzan estes indicadores a través do xogo, a aprendizaxe e a interacción. Se se detecta un atraso fóra do rango de normalidade, o equipo de pediatría avaliará a posibilidade dun problema e realizará probas adicionais para confirmar ou descartar unha sospeita diagnóstica.

Hai que lembrar que cada neno segue o seu propio ritmo. O feito de non seguir exactamente os mesmos pasos que outras persoas coñecidas ou irmáns non significa necesariamente que exista un problema real.

Media e marxe de normalidade para algúns logros e destrezas do bebé

• Sorrí:
  • Media idade: 4 - 6 meses
  • Marxe normalidade: 1 - 8 semanas
• Mantén a cabeza:
  • Media idade: 3 meses
  • Marxe normalidade: 2 - 4 meses
• Acerca/colle obxetos:
  • Media idade: 5 meses
  • Marxe normalidade: 4 meses
• Senta:
  • Media idade: 6 - 7 meses
  • Marxe normalidade: 4 - 9 meses
• Anda sen axuda:
  • Media idade: 13 meses
  • Marxe normalidade: 8 -18 meses
• Di palabras con sentido:
  • Media idade: 12 meses
  • Marxe normalidade: 8 - 24 meses
• Di frases:
  • Media idade: 21 -24 meses
  • Marxe normalidade: 10 - 36 meses
• Bebe da cunca sen axuda:
  • Media idade: 15 meses
  • Marxe normalidade: 9 - 21 meses
• Vístese sen axuda:
  • Media idade: 3 - 4 anos
  • Marxe normalidade: 33 - 72 meses
• Controla esfínteres durante o día:
  • Media idade: 2 anos
  • Marxe normalidade: 16 - 48 meses 
• Controla esfínteres durante a noite:
  • Media idade: 3 anos
  • Marxe normalidade: 18 -72 meses